Врач булырга теләр идеңме? Ә сиңа хастаханә тормышын эчтән күрү кызык микән?

Татарстан мәктәп укучыларын Ачык ишекләр көннәренә район хастаханәләренә, республиканың әйдәп баручы клиникаларына һәм медицина университетына чакыралар.
 
3 февральдән 15 февральгә кадәр Татарстан Республикасында «Ак халатлы фәрештәләр - Ангелы в белых халатах» фестивале узачак.
 
Фестиваль кысаларында:
➕ табиб һөнәре белән якыннанрак танышу;
➕ больницаның ничек эшләвен белү;
 ➕табиблар белән аралашу.
 
Шулай ук медицина профессорларының фәнни-популяр лекцияләрен тыңларга һәм мавыктыргыч мастер-классларда катнашырга.
 
2024 елның 03 февралендә район үзәк хастаханәсендә КДМУ белән берлектә 9-11 сыйныф укучылары өчен Ачык ишекләр көне узды.
Киләчәк тормышны медицина белән бәйләргә ниятләгән укучылар һөнәрләре, эш шартлары һәм уку турында барлык сорауларына җавап ала алдылар.