Администрациянең зур залында ел саен уздырыла торган район медицина Советы узды, анда сәламәтлек саклау системасының узган 2023 елдагы эшенә йомгаклар ясалды.

Мактаулы кунаклар, ТР сәламәтлек саклау министрының беренче урынбасары Альмир Абашев, 7 нче шәһәр клиник хастаханәсе баш табибы Артур Делян, шулай ук табиблар, үзәк хастаханә, табиб амбулаторияләре һәм фельдшер-акушерлык пунктлары хезмәткәрләре булды.

Питрәч районы туучылар саны буенча беренче урында тора һәм Татарстан Республикасы буенча үлүчеләр саны иң түбәне.

Хезмәткәрләрнең иң яхшылары мактау грамоталары һәм рәхмәт хатлары белән бүләкләнде.