Грипп, ОРВИ һәм (Covid-19) яңа коронавирус инфекциясе буенча эпидситуация
2024 елның бишенче атнасында COVID-19 390 очрагы теркәлгән, 9,7%, узган атна дәрәҗәсендә.
Грипп һәм ОРВИның 15 668 очрагы теркәлгән, авыру узган атна дәрәҗәсендә, авыру дәрәҗәсе эпидемия чигеннән 24,4% ка түбәнрәк. Авыру дәрәҗәсе елның әлеге чорына туры килә.
5 атнада респиратор вируслар табышлары арасында ОРВИ 50%, грипп 24,4%, COVID – 19 25,6%
Грипп арасында А гриппы (H1N1) (71,5%) һәм А гриппы (H3N2) (13,9%) өстенлек итә.
Авыруга иң еш дучар булганнар-өлкән яшьтәге кешеләр, кечкенә балалар, йөкле хатыннар, шулай ук хроник авырулардан интегүче кешеләр.
Кул гигиенасы-грипп таралуны профилактикалауның мөһим чарасы, сабын белән юу микробларны юк итәргә мөмкинлек бирә.
Моннан тыш, социаль дистанцияне һәм этикетны сакларга кирәк. Мәсәлән, җәмәгать транспортында һәм күп кешеле урыннарда йөрүдән сакланырга, авызны һәм борынны яулык белән капларга, шулай ук йөзгә кагылмаска кирәк, чөнки грипп вирусы бу юллар белән тарала. Битлек кияргә яки башка саклану чараларын кулланырга мөмкин. Организмның каршы торучанлыгын арттыру өчен кешегә тулы йокы, аксымга, витаминнарга һәм минераль матдәләргә бай ризык, шулай ук физик активлык кирәк.
Татарстан Республикасы буенча Роспотребнадзор идарәсе Татарстан Республикасында яшәүчеләрнең игътибарын үз-үзләрен дәвалауга юл куймауга юнәлтә.
Мөһим: авыруның беренче симптомнары булганда, квалификацияле медицина ярдәме өчен табибка мөрәҗәгать итәргә кирәк.
Авыруны кисәтү җиңелрәк!