2025 елда Татарстанда 95 меңнән артык күчемсез милек объекты чикләрен төгәлләштерәчәкләр
Бу федераль бюджет финанслау чыганагы булган комплекслы кадастр эшләре нәтиҗәсендә мөмкин булачак. Агымдагы елда Татарстан территориясендә комплекслы кадастр эшләре үткәреләчәк, алар барышында 95 меңнән артык күчемсез милек объекты чикләре төгәлләштереләчәк. Барлыгы 150 кадастр кварталы Казанда һәм республиканың 11 районында: Апас, Арча, Балтач, Бөгелмә, Биектау, Зеленодольск, Кукмара, Лаеш, Нурлат, Саба, Бөгелмә, Лениногорск.
«Үткән өч елда, «Пространство мәгълүматларының милли системасы» дәүләт программасы кысаларында гражданнар һәм оешмалар өчен 60 меңнән артык күчемсез милек объекты чикләре бушлай төгәлләштерелде. Әмма быел комплекслы кадастр эшләре күләме шактый арттырылган. Нәтиҗәдә, күчемсез милек бердәм дәүләт реестрына 95 меңнән артык җир кишәрлеге һәм капиталь төзелеш объектлары чикләре турында белешмәләр кертеләчәк. Бу БДКМРна белешмәләрнең тулылыгын һәм сыйфатын тәэмин итеп кенә калмыйча, җир бәхәсләренең санын да киметергә ярдәм итәчәк», - дип хәбәр итте Татарстан Росреестры җитәкчесе урынбасары Нияз Галиәкбәров.
«Федераль бюджет хисабына финанслана торган комплекслы кадастр эшләрен үткәрү өчен 2025 елда муниципаль берәмлекләр сайланды, анда чикләрсез күп санда җир кишәрлекләре урнашкан, һәм аларның күбесе инвестицион потенциалга ия», - дип аңлатты ТР җир һәм мөлкәт мөнәсәбәтләре министры урынбасары Алмаз Кыямов.
Комплекслы кадастр эшләрен "Роскадастр" ППК Татарстан Республикасы филиалы башкарачак. «Комплекслы кадастр эшләрен үткәрү нәтиҗәсендә урыннарда БДКМРнда булмаган җир кишәрлекләре чикләре билгеләнә, биналар һәм корылмалар контурларының урыны билгеләнә (аларны участокларга «бәйләп» гамәлгә ашырыла), шулай ук БДКМР белешмәләрендәге реестр хаталары төзәтелә. Мондый эшләр дәүләт акчалары исәбенә башкарыла, бу гражданнарны кадастр инженерлары хезмәтләре һәм ызанлауга чыгымнардан азат итә», - дип сөйләде «Роскадастр» ППК Татарстан Республикасы филиалы директоры Илнур Хисмәтуллин