Яңа Шигали авылында яшәүче күп балалы Габитовлар гаиләсенә торак сатып алу өчен түләүсез субсидия алуга сертификат тапшырдылар.
Татарстан Республикасында яшь гаиләләрне торак белән тәэмин итү программасы 2006 елдан бирле гамәлдә. Әлеге ярдәм чарасы «Россия гражданнарына — арзан һәм уңайлы торак» өстенлекле милли проекты кысаларында гамәлгә ашырыла һәм торак сатып алуга түләүсез субсидия бирүдән гыйбарәт.
Питрәч районында яшәүче яшь гаиләләр дә әлеге программада катнаша. Гаилә тормышы башында торак белән тәэмин ителеш критерие нигез булып тора. Мондый чара, торак бәясенең 35% күләмендә субсидия рәвешендә, дәүләттән бик яхшы ярдәм булып тора. Субсидия федераль, республика һәм район финанславыннан тора, ә программа үзе Татарстан Республикасы Яшьләр эшләре министрлыгы тарафыннан гамәлгә ашырыла.
Сер сертификат тапшыру тантаналы шартларда район башлыгы Рәис Сөләйманов катнашында узды.
"Илдар Айратович, Регина Радиковна, балалар - Севилия, Самат һәм Искәндәр! Сезне шушы матур вакыйга белән котлыйм! Сертификатны яшь кенә түгел, күп балалы гаиләнең дә алуы бик күңелле! 2 млн. 554 мең 193 сум күләмендә субсидия сез ипотека кредитының бер өлешен каплауга юнәлтергә планлаштырасыз. Сезгә нык сәламәтлек, гаилә бәхете, иминлек телим! Өегездә һәрвакыт балалар көлүе, тәмле ризык исе һәм матур атмосфера булсын! Котлыйм сезне!",- диде Рәис Әхтәмович.
