СФРның Татарстан Республикасы буенча бүлеге төбәк халкына федераль социаль өстәмә түләүне дәвам итә
Татарстан Республикасында эшләмәүче пенсионерлар, әгәр аларның айлык кереме пенсионерның яшәү минимумыннан түбән булса, өстәмә социаль түләү алалар. 2026 елда бу минимум төбәктә 13 844 сум тәшкил итә. Хәзер Татарстанда өстәмә түләүнең уртача күләме - 3 611 сум.
Өстәмә түләү алу хокукын билгеләгәндә пенсионерга билгеләнгән түләүләр: пенсия, пенсия тупланмаларыннан ашыгыч түләүләр, айлык акчалата түләү һәм социаль хезмәтләр җыелмасы бәясе, шулай ук коммуналь хезмәтләр, телефон һәм транспорт чыгымнарын компенсацияләүне дә кертеп, акчалата ярдәм чаралары исәпкә алына. Бары тик натураль рәвештә бирелә торган ташламалар исәп-хисапка кертелми. Әгәр җыелма керем пенсионерның региональ яшәү минимумыннан түбәнрәк булса, Россиянең социаль фонды өстәмә түләүне гаризасыз билгели.
"Әгәр түләүләрне индексацияләү күләме узган ел белән чагыштырганда түбәнрәк булса, матди тәэмин итүнең элек ирешелгән дәрәҗәсен саклап калу максатыннан, социаль өстәмә түләүне исәпләгәндә пенсионерга индексация түләүне узган ел дәрәҗәсенә җиткерәләр. Ягъни пенсия һәм ЕДВ индексациясе суммалары пенсионерның яшәү минимумыннан тыш түләнә һәм әгәр бу суммалар түләүләрне индексацияләгәнче (пенсия, ЕДВ) түләнә торган суммалардан азрак булса, аларның аермасы социаль өстәмә күләменә кертелә һәм киләсе елга индексацияләү датасына кадәр түләнә», - дип билгеләде Россия Софиаль фондының Татарстан Республикасы буенча бүлеге идарәчесе Эдуард Вафин.
Социаль ярдәм чаралары, түләүләр һәм хезмәт күрсәтүләр турында тулы һәм дөрес мәгълүматны СФР сайтында һәм MAX, Вконтакте, Одноклассники һәм телеграмм социаль челтәрләрендәге рәсми аккаунтларда табарга мөмкин.
Өстәмә мәгълүмат яисә консультация алу өчен гражданнар Бердәм контакт-үзәк операторларына мөрәҗәгать итә алалар— 8 800 100 0001 (төбәк линиясе тәүлек буе эшли – 24/7, шалтырату бушлай).