Питрәчтә төзүчеләр киңәшләште

Якшәмбе, 11 майда, Питрәчтә төзелеш, архитектура һәм торак-коммуналь хуҗалык министры урынбасары Алексей Фролов, Арча, Балтач, Саба, Лаеш, Зеленодол, Балык Бистәсе районнары башлыклары һәм башкарма комитетлары җитәкчеләре  катнашында киңәшмә булып узды. Семинарда урыннарда  төзелеш буенча дәүләт программаларын вакытында һәм сыйфатлы  тормышка ашыруда комачаулаучы гомуми проблемалар каралды. Алексей Фролов ышандыруынча, киләчәктә эш итү планы район вәкилләре фикерләрен исәпкә алып төзеләчәк.