Пановка мәктәбе яңартылды

Пановка  мәктәбе бинасы 30 ел элек салынган. Шуңа күрә  дә әлеге бина һәм мәктәп яны территориясен яңарту таләп ителә иде. Агымдагы елның февралендә капиталь ремонт башланды. Ул бинаның түбәсе, тәрәзәләрен, ишекләрен, инженер-техник, санузелларны алыштыру, фасадны рәткә китерү һәм бик күп башка эшләрне үз эченә алды.  Әлеге  эшләр Александр Садовников җитәкчелегендәге “Пресс” ҖЧҖ тарафыннан тормышка ашырылды.

Каникуллар башлануга  мәктәпкә ремонт ясарга  керештеләр.  Чираттагы ялда булуларына да  карамастан бөтен коллектив  ремонт эшләрендә катнашты. Укучыларның ата-аналары да бик нык ярдәм итте.  Аеруча актив катнашучыларына рәхмәт белдерәбез. Болар: Михаил  Завьялов, Сергей Большов, Татьяна һәм Иван  Юнысовлар, Татьяна һәм Владимир  Федюниннар, Оксана Сергей  Панфиловлар, Ильнур и Екатерина Мөбәрәковлар, Татьяна Долгова, Зоя Шәйдуллина, Марсель Шаров, Александр Борисов, Елена Баскакова, Михаил Чернов, Гүзалия  Сәлахова, Зульфинисо Сатарова и Рано Золин, Марина Пахомова и Валентин Дубинкин.
Кайчандыр әлеге мәктәпне тәмамлаган  укучыларның да ата-аналары читттә калдмады. Иван Чернов түтәлләр өчен балчык туфрак алып кайтты. Владимир Чернов  өмәләрдә һәм ремонт эшләрендә катнашты. Шулай ук спонсорлар да табылды. Ул әлеге мәктәпне тәмамлаган, хәзерге  вакытта  “Индустриальный парк М7” ҖЧҖ генераль директоры булып эшләүче Руслан Хәлилов.  Әлеге средстволарга  тарих кабинеты ремонтланды, анда яңа уку җайланмалары урнаштырылды.  Руслан Рафиковичның әнисе  Валентина Халилова озак еллар әлеге мәктәптә тарих укытучысы булып эшләгән.  Мәктәбебезне тәмамлаган, хәзерге вакытта Мәскәүдә яшәүче  шәхси эшмәкәр Юрий Федоров мәктәпнең махсус счетына спорт залын, чишенү бүлмәсен, мастерскойларны ремонтлау өчен акча күчерде.  Аның мәктәбебезгә, авылга  даими ярдәм итүе турында  язганыбыз да бар. Шулай ук  безнең укучыларыбыз Анастасия һәм  Мария Бригадновлар инглиз теле кабинеты өчен  төзелеш материаллары алды.
Питрәч районының зур предприятиеләре җитәкчеләре  ярдәм кулын сузды. “Ак Барс Питрәч” ҖЧҖ  җитәкчесе Радик Зиннәтов материаллар өчен акчакүчерде. “Теплострой” ҖЧҖ  җитәкчесе Лотфулла Хайбуллов  математика кабинетын ремонтлау өчен   бизәү эше белгечләрен ярдәмгә җибәрде. Авыл җирлегендә урнашкан  промкомбинат директоры Рафаэль Мәхмүтов  тә төзелеш материаллары белән булышты.
Мәктәп ФКУ ИК-3 учреждениесе, Пановка авыл җирлеге Советы, “Жилбыт” ҖЧҖ белән  тыгыз элемтәдә тора. ФКУ ИК-3 башлыгы Сергей  Чернышев һәр  үтенечкә  җавап кайтара.  Учреҗдение башлыгы урынбасары Сергей Баскаковка  кайчан гына ярдәм сорап мөрәҗәгать итсәң дә, булышмый калмый. Ул да булышчылар җибәрде.  ФКУ ИК-3 хезмәткәрләре Владимир Арбузов, Петр Волков, Николай Золин  коридорлар ремонтлауда ярдәм иттеләр. Учреждениенең система   администраторы  Артем Артамонов компьютер җайланмаларын урнаштыруда ярдәм иттте.
Пановка авыл җирлеге башлыгы Олег Козырев та безнең мәктәпне тәмамлаучы буларак һәръяклап ярдәм  итте. Олег Иванович  иртәдән кичкә кадәр, бәйрәм һәм ял көннәрендә дә гел янәшәдә генә булды. Ул һәрвакыт ярдәм итәргә әзер иде.  Авыл җирлеге советы  да мәктәпкә төзелеш материаллары  белән булышты.
“Жилбыт” ҖЧҖ җитәкчесе Юрий Лопоухов  мәктәп яны территориясен төзекләндерүдә булышлык итте. Әлеге  оешма  хезмәткәрләре  Виктор Константинов, Алексей Сафронов кабинетларны модернизацияләүдә ярдәм итте.
Безгә һәръяклап ярдәм итүчеләргә укытучылар коллективы һәм ата-аналар исеменнән зур рәхмәтебезне белдерәбез. Сезнең ярдәм белән укучыларыбыз яңа уку елын  яңартылган,  якты,  җылы бинада  башлап җибәрә алды. Хәзер монда яхшы билгеләргә генә уку өчен бөтен шартлар да бар.