Уңышка ирешү формуласы

Питрәчнең берничә хуҗалыгы терлекчеләреннән торган төркем традицион зона семинарында катнашты. Ул Биектау районнында үтте. Семинар-киңәшмәдә  сигез айлык эшкә нәтиҗә ясау, терлекләрне кышкы бәйдә асрауга күчерү, терлекчелек тармагында оештыру-технология таләпләрен яхшырту мәсьәләләре каралды.  Әлеге чара кысаларында белгечләр өчен “Мүлмә” авылында “АГРОФИРМА ТАТАРСТАН” ҖЧҖ буенча экскурсия үткәрелде.

Министрның  терлекчелек буенча урынбасары Нәҗип Хаҗипов  авыл хуҗалыгы эшләре нәтиҗәләре белән таныштырды. Нәҗип Нәкыйпович үз чыгышында  мөгезле эре терлек сакланышы һәм көтү яңартуга игътибар бирүләрен  сорады. Моннан тыш ул  мөгезле эре терлекнең үлү  сәбәпләрен өйрәнергә кирәклегенә, әлеге мәсьәләгә салкын карауның аяныч хәлгә китерүен билгеләп үтте.  Районнар эшчәнлеген бәяләүнең төп күрсәткечләре – савым күләме, терлекләр саны,  артымнар алу.  Беренче пункт буенча безнең  район яхшы нәтиҗәләр күрсәтте – агымдагы елның 1 сентябренә 14 тонна сөт, шуның 1,9 тоннасы августка туры килә. Бу 2013 ел чагыштырмасында110 һәм 109 процент. Ә менә баш саны сакланышы буенча питрәчлеләр тәнкыйтькә дучар булды.  Татарстан республикасының  атказанган авыл хуҗалыгы, пофессор Алексей Якимов чыгышы аерым блок булып торды. Ул үз хезмәтен азык  җитештерүнең, мөгезле эре терлек асрау һәм ашатуның технологик алымнарына багышлаган. Профессор уңышка ирешүнең универсаль формаларны атады. Мәсәлән 4-К формуласы: кадрлар+сыер абзары+ азык+ сыер.
Болар турында кайгырту табыш һәм үсешкә китерәчәк.
Семинарның практик өлеше – “Татарстан” агрофирмасы буенча экскурсия. Бу хуҗалык күп кенә күрсәткечләр буенча үрнәк булып тора.  Катнашучылар   яңа гына төзелгән  3-6 айлык   бозаулар асрый торган бинаны карадылар. Алар  барысына да игътибар итте. Хуҗалыкта  яңа туган бозаулар өчен дә барлык шартлар тудырылган. Ветврач кабинетындагы шартларга да кайберәүләр көнләшеп карады. Бу көнне  алар терлекчеләр бүлмәсендә дә булды. Алар хуҗалыкта эш өчен генә түгел, ә ял өчен тудырылган шартларны билгеләп үттеләр. Уңайлы бүлмәдә  терлекчеләр кайнар чәй эчә, узара аралашалар, эшкә әзерләнәләр.
Семинарда катнашучылар  хуҗаларны тыңлаганнан соң үзләре өчен файдалы нәтиҗә чыгарды: андагы технологияләрне, уңай тәҗрибәләрне куллану яки үзләрендәге алымнарны чагыштырып, җитешсезлекләрне билгеләделәр.
Җирле терлекчеләр эшчәнлегендә төп күрсәткеч – савымнар.
2014 елның 18 сентябрене:
“Ак Барс Питрәч” ҖЧҖ алда бара,  анда көненә 18943 килограмм сөт савып алалар. Моннда уңай динамика бар:  узган ел белән чагыштырганда бер сыердан +1,3 килограммга артыграк сөт алалр. 17847 килограмм сөт сатылгын.  “Макс-Ойл” ҖЧҖ күрсәткечләрен яхшыртты:  көненә +1,8 килограмм, шулай ук “Соя-Колай” ҖЧҖтә сыердан көненә +0,7 килограмм сөт.
Артта калучылар арсында “Марс” ҖЧҖ – 2958 килограмм, бу узган елгыга карганда  2,9 килограммга кимрәк (бер сыер исәбеннән). 2878 килограмм сөт сатылган. 2013 ел белән чагыштырганда “Сабан–1” КФХда савымнар кимегән (-2,5 килограмм), шулай ук “Газовик” ҖЧҖ тә дә (-0,9 килограмм).