Газетага языл да бүләк от!

2015 елның беренче яртыеллыгына газета-журналларга язылу кампаниясе кысаларында һәм “Татмедиа” ААҖ басмаларына яздыру эшен активлаштыру һәм стимуллаштыру максатыннан, почтальоннар һәм почта элемтә бүлекчәләре арасында бәйге игълан ителде. Ул агымдагы елның 1 октябрендә башланды һәм  яңа ел бәйрәменә кадәр дәвам итәчәк.

Бәйгене оештыручылар   район этабында  түбәндәгеләрне исәпкә алачак: почтальон һәм почта элемтәсе бүлекчәләренең 2015 елның беренче яртыеллыгына “Татмедиа” ААҖ газета-журналларына яздыру абонементлары 2014 елның беренче яртыеллыгына яздыру абонементлары саныннан  кимендә 5 процентка артык булырга тиеш.
Берничә номинация игълан ителгән. “Иң яхшы авыл почтальоны” номинациясендә   тираж арттыруга ирешкән һәм “Татмедиа” ААҖ басмаларына иң күп яздырган  почтамт хезмәткәре 34483 сум премия белән бүләкләнәчәк.
“Иң яхшы почта элемтәсе бүлекчәсе” номинациясендә “Татмедиа” ААҖ басмаларына яздыруда максималь  үсеш тәэмин иткән  бүлекчә 50 мең сум премия алачак.