Бүген Эчке эшләр министрлыгының ЮХИДИ идарәсе башлыгы полиция полковнигы Рифкат Миңнеханов Питрәч районына килеп китте

Рифкат Нургалиевич җирле контроль органнары җитәкчеләре белән очрашты, гражданнарны кабул итте.

Ул шулай ук “Каенкай” балалар бакчасына кечкенә питрәчлеләр янына да кереп, хәл белешеп чыкты. Ә балалар кунакка юл хәрәкәте кагыйдәләрен белүләрен күрсәтте.
- Һәрбер җитәкчегә кайчакта балалар бакчасына кереп, дөнья мәшәкатьләреннән арыну бик файдалы дип саныйм, - ди Рифкат Нургалиевич. – Аннан бөтенләй икенче кеше булып чыгасың, тормышка башкача карый башлыйсың.