Яшь артистлар “Казан хәзинәләре” мюзиклы тәкъдим итә

Байлык эзләү һәм дуслык табу, мәхәббәтле һәм сәнгатьле булу тарихы хәзерге заманда дөньяның кыйммәтләре хакында уйланырга ярдәм итә һәм үз-үзеңнән көлү мөмкинлеге бирә.

Мюзиклның режиссерлары Дмитрий һәм Карина Булычевлар сүзләренчә, бу — кайчандыр алар гашыйк булган, заманча Казанга мәдһия. Аларның идеясен, спектакльнең декорацияләре һәм костюмнары өстендә эшләгән ТР Рәссамнар берлеге әгъзалары Юрий, Татьяна һәм Ольга Бердниковалар, Әлфия Ильясова-Саргин да күтәреп ала.

Мюзиклдагы рольләрне Болактагы Яшьләр театры каршында оештырылган “Дети на радуге” театр студиясендә шөгыльләнүче балалар башкара, дип хәбәр итә театрның матбугат хезмәте.