Яңа ел каникулларында Татарстанда 29 бала дөньяга килгән

Татарстанда 2015 елның Яңа ел каникуллары чорында 29 бала дөньяга килгән.

ТР Министрлар Кабинеты ЗАГС идарәсе җитәкчесе Альбина Шәвәлиева “Татар-информ” МА журналистына хәбәр иткәнчә, узган елның бу вакыты белән чагыштырганда, быел туган һәм теркәлгән балаларның саны күпкә артыграк. Әмма ата-аналарның әле барысы да документларны рәсмиләштереп бетермәгән.

Искәртеп узабыз: Казанда быел беренче бала 1 гыйнварда 0.35 сәгатьтә дөньяга килде. Яңа ел төнендә Татарстанда барлыгы 15 бала туган: 7 малай һәм 8 кыз.