Татарстанда беренче тапкыр авыл хуҗалыгы предприятиеләре базасында агрономнар әзерли башлыйлар
Татарстанда беренче тапкыр авыл хуҗалыгы предприятиеләре базасында агрономнар әзерли башлыйлар. Дүрт ел укуның ике елын практика тәшкил итәчәк. Казан дәүләт аграр университетын тәмамлаучылар “агробизнес агрономы” яки “авыл хуҗалыгы бакалавры” белгечлеге алачак. Бу хакта “Татар-информ” МА хәбәрчесенә Казан дәүләт аграр университетының “Игенчелек, үсемлекләрне саклау һәм селекция” кафедрасы мөдире, авыл хуҗалыгы фәннәре докторы, профессор, ТР ФА әгъза-мөхбире Радик Сафин белдерде.
Бюджет нигезендә белем алучы 25 агробизнес агрономнарына, теориягә караганда, практик дәресләр күп булачак. Алар агрохолдинг җитәкчеләре һәм авыл хуҗалыгы компанияләре вәкилләреннән игенчелек нигезләрен, икътисад һәм бизнес нечкәлекләренә өйрәнәчәк. Дөрес, аларга теория белемен бу хуҗалыкларга КДАУ укытучылары килеп бирәчәк.