Питрәч муниципаль районы

ТР Министрлар Кабинетында авыл хуҗалыгы базарларын контрольдә тоту буенча оператив штаб утырышы узды

2015 елның 4 феврале, чәршәмбе

Бүген ТР Хөкүмәте йортында Татарстан Республикасы территориясендә авыл хуҗалыгы продукциясе базарлары, чимал һәм азык-төлек торышын контрольдә тоту буенча оператив штаб утырышы узды.
Утырышны Татарстан Республикасы Премьер-министры вазыйфаларын башкаручы Алексей Песошин алып барды. Оператив штаб әгъзалары төп туклану продуктлары бәяләре арту һәм шул сәбәпле, туган вәзгыять турында фикерләште.
Утырышта Алексей Песошин белдергәнчә, республикада төп туклану продуктлары бәяләре буенча даими мониторинг ясала. Шулай итеп, ТР Сәнәгать һәм сәүдә министрлыгы, ТР Авыл хуҗалыгы һәм азык-төлек министрлыгы, Татарстанстат, Икътисади һәм социаль тикшеренүләр үзәге муниципаль берәмлекләр Башкарма комитетлары катнашында мониторинг ясауда катнаша.
Татарстан Республикасы прокуратурасы Монополиягә каршы федераль хезмәтнең ТР буенча идарәсе белән республика территориясендә эре федераль сәүдә челтәрләрендә тикшерүләр алып барды, дип белдерде Алексей Песошин.
Татарстан Республикасы прокуроры беренче урынбасары Артем Николаев республика территориясендә эре федераль сәүдә челтәрләрендә тикшерү нәтиҗәләре турындагы доклад белән чыгыш ясады. Аның сүзләренчә, азык-төлек бәясен нигезсез арттыруны булдырмау өчен үткәрелгән. Артем Николаев азык-төлек бәяләрен арттырган сәүдә челтәрләрен һәм кабул ителгән чаралар турында белдерде.
Авыл хуҗалыгы продукциясе базарындагы вәзгыять турында ТР Премьер-министры урынбасары – ТР авыл хуҗалыгы һәм азык-төлек министры Марат Әхмәтов белдерде.
Утырышта катнашучылар шулай ук ТР Сәламәтлек саклау министрлыгы, ТР Мәгариф һәм фән министрлыгы карамагындагы социаль учреждениеләр өчен дәүләт сатып алулары, республика товар җитештерүчеләре продукцияләрен сатып алу мәсьәләре буенча фикерләштеләр.
ТР сәнәгать һәм сәүдә министры урынбасары Рашат Фәттахов, ТР сәламәтлек саклау министры Гадел Вафин һ.б. доклад белән чыгыш ясады, дип хәбәр итә ТР Президенты матбугат хезмәте.

Татар-информ

БАРЛЫК ЯҢАЛЫКЛАРНЫ УКУ