йорт” төбәкара фестиваленең зона туры башланды

 Бүген Казанның С.Сәетгалиев исемендәге Мәдәният йортында театр төркемнәре арасында “Идел-йорт” төбәкара фестиваленең зона туры уздырыла. 

Аерым алганда, бүген 18.30да С.Сәетгалиев исемендәге Мәдәният йортының Халык татар театры Ш.Хөсәен пьесасы буенча куелган “Әни килде” (режиссеры - Рафис Фазылҗанов) спектаклен тәкъдим итә.

12 майда исә сәгать 18.00дә Балык Бистәсе районы Мәдәният йортының халык театры артистлары Д.Салихов пьесасы буенча сәхнәләштерелгән “Өзелгән йөзем” (режиссеры – Рифхат Галиев) спектаклен күрсәтә.

13 майда сәгать 18.00дә Биектау районының Ямаширма авылы Мәдәният йорты артистлары Р.Җиһаншин пьесасы буенча әзерләнгән “Улларым” (режиссеры – Филсинә Сәгдиева) мелодрамасын тамашачы хозурына тапшыра.

Ижевск шәһәренең “Чишмә” үзешчән театр төркеме Т.Миңнуллинның “Алты кызга бер кияү” (режиссеры – Рафилә Рәсүлова) спектакле белән килә: алар Казан тамашачысын 14 майда сәгать 18.00дә көтә.

Теләге булган һәр кеше спектакльләрне бушлай карый ала, диелә Казан шәһәре Башкарма комитетының мәдәният идарәсе хәбәрендә.