Питрәч муниципаль районы

Олан Иле авылы янәшәсендәге яңа микрорайон юллы булачак

2015 елның 15 июне, дүшәмбе

Анда яшәүчеләр өчен сөенергә генә кала. Юл яхшы булса, эшкә тыныч күңел белән, бернинди маҗараларсыз барып кайтасың. Балаларны бер борчусыз, мәшәкатьсез бакчага яки мәктәпкә озатасың.
Моңа кадәр безне, Олан Иле авылы янәшәсендәге яңа микрорайонда яшәүчеләрне, юлсызлык борчыды. Безнең урамда юл юк, хәтта вак таш та җәелмәгән иде. Аз гына яңгыр явып узса да, урам юлларыннан бөтенләй йөреп булмый иде. Күптән түгел генә безгә дә бәхет елмайды, урамнарыбызга юл сала башладылар. Юлларны тигезләп, ком салып чыктылар, хәзерге вакытта юл хезмәткәрләре вак таш җәю белән шөгыльләнә. Без, Е.Маннанов урамында яшәүчеләр, моңа сөенеп туя алмыйбыз. Әлеге мәшәкатебезне хәл итүдә ярдәм иткән өчен район җитәкчелегенә һәм юл салучыларга бик рәхмәтле.

http://www.pestrecy-rt.ru/

БАРЛЫК ЯҢАЛЫКЛАРНЫ УКУ