Татарстанда бөртекле культуралар биләгән 274 мең гектар кырдан уңыш җыеп алынган

Татарстанда бөртекле культуралар биләгән кырларның 274 мең гектарыннан  уңыш җыеп алынган, бу уңыш җыеп алынырга тиешле мәйданның 17 процентын тәшкил итә. ТР Авыл хуҗалыгы һәм азык-төлек министрлыгыннан “Татар-информ” мәгълүмат агентлыгы хәбәрчесенә шул хакта белдерделәр.

Бүгенгә гектарыннан 21,9 центнер уңыш чыкканда, 601,2 мең тонна ашлык суктырылган.

ТР Буа, Апас, Алексеевск, Зәй һәм башка районнар игенчеләре уңышны җыеп алу темпларын тизләтте.

Кичә Татарстанның барлык кырларында эш гөрли иде, кайбер районнарда гына яңгыр явып узды, ә бүген яңгыр республиканың күпчелек районнарында ява.