Нефть бәясе төрлечә үзгәрә

Бүген нефть бәясе төрлечә үзгәрә, шул ук вакыта WTI дүртенче сессия рәттән кыйммәтләнә, бу хәл апрельдән бирле күзәтелмәгән иде, дип хәбәр итә «Интерфакс» «Bloomberg» агентылыгына сылтама белән.
Бүген АКШ биржалары Рәхмәт көнен бәйрәм итү белән бәйле рәвештә ябылачак.
Мәскәү вакыты белән 8.40 сәгатьтә Лондонның "ICE Futures" биржасында Brent нефтенә гыйнвар фьючерслары бәясе 4 центка (0,09 процент) - барреле 46,13 долларга кадәр төшкән. Кичә базар ябылганда фьючерслар бәясе 0,05 долларга (0,11 процент) - барреле 46,17 долларга кадәр арткан.
Нью-Йорк товар биржасы электрон сатуларында (NYMEX) WTI нефтенә гыйнвар фьючерслары хакы 0,12 долларга - (0,28 процент) - барреле 43,16 долларга кадәр кыйммәтләнгән. Алдагы сатулар нәтиҗәләре буенча контракт 0,05 доллар (0,11 процент) - барреле 46,17 долларга кадәр арткан.
Кыска вакытлы тренд бәяне арттырды, әмма нефть импульсын югалта башлады. Нефть запаслары турындагы мәгълүматлар сизелерлек үзгәрми, АКШ тагы күрсәткечләр соңгы атнада күзәтелгәнгә туры килә”, - дип белдерде CMC ба аналитигы Markets Рик Спунер.