Татарстанда инвесторлар тарафыннан соңгы 10 айда 517,9 мең тонна сөт җитештерелгән

Татарстанда быел 10 айда авыл хуҗалыгы предприятиеләрендә инвесторлар тарафыннан 517,9 мең тонна сөт (узган елның шушы чорына карата 104%) җитештерелгән.

Савым сыерларның иң югары продуктивлылыгы Мамадыш муниципаль районының «Азык-төлек программасы» АПК ҖЧҖендә - 7973 кг тәшкил итә, аннары рейтингта «Кулон» АФ ҖЧҖ - 5919 кг, Рәхимов ис. АХП ҖЧҖ - 5666 кг. Республикада уртача савым 4259 кг булган.

Түбәндәге авыл хуҗалыгы предприятиеләрендә күрсәткечләр кимрәк: «Сөт иле» ҖЧҖ - 3274 кг, «Арча» ҖЧҖ - 3307 кг, «Минзәлә таңнары» АФ ҖЧҖ - 3142 кг, «Нурлат сөте» ҖЧҖ - 3093 кг, Нурлат муниципаль районының «АгроМир» ТД ҖЧҖ - 3435 кг, Әлмәт муниципаль районының Токарликов ис. ААҖ - 3609 кг, «Татплодовощпром» АҖ - 3720 кг.

Әлеге мәгълүматлар ТР Авыл хуҗалыгы һәм азык-төлек министрлыгы матбугат хезмәте тарафыннан әзерләнгән.