Казанның үзәк урамында республикада бердәнбер Велосипед тарихы музее ачыла

 Иртәгә, ягъни 12 декабрьдә Татарстанда бердәнбер Велосипед тарихы музее эшли башлый. Казанда ул “Родина” мәдәни-күңел ачу үзәге (Бауман ур., 44/8) территориясендә урнашкан. Ачылган көнне музей буенча экскурсия, квестлар, балалар зонасы һәм кофе-брейк оештыру каралган. Бу көнне керү – бушлай, дип хәбәр итә оештыручылар.

Экспозициядә исә дөньяның төрле илләрендә - Англия, Германия, Россия, Франция, Швейцария, Япония, Латвия – 1869 елдан бүгенгә кадәр чыккан 50 данә велосипед тәкъдим ителәчәк. 1869 елда мастер Ephrem Jean тарафыннан Франциядә ясалган велосипедка анда махсус урын бүлеп бирелгән.

Әлеге музей дүшәмбедән алып шимбәгәчә сәгать иртәнге 10нан кичке 10га кадәр ачык.