Авыл клубларында таныштыру кичәләре уза

Әсән-Елга мәдәният йортында, үз вакытында гаилә кормаган егетләрне, кызларны таныштыру-күрештерү йөзеннән, “Гомерләр заяга узмасын” дигән кичә узды. Анда кунак булып Югары Арбаш авылыннан кызлар килгән. Ә Мәмәшир авылы мәдәният йортында шушы ук максат белән “Парлы үтсен гомерләр” дигән кичә оештырылган, әлеге чарага Күкшел авылыннан егетләр чакырылган. Кичәләр чәй табыны артында башланып, җырлар, уеннар, бәйгеләр белән үрелеп барган, дип яза Кукмара җирле басмасы.