Татарстанда чит ил авыл хуҗалыгы техникасына 2 меңнән артык запас частьләр эшләп чыгару үзләштерелгән

Татарстанда чит ил авыл хуҗалыгы техникасына 2 меңнән артык запас частьләр чыгару үзләштерелгән. ТР агросәнәгать комплексында тракторларның 5 проценты һәм авыл хуҗалыгы машиналарының 30 проценты чит илдән сатып алынган, дип хәбәр итә ТР Авыл хуҗалыгы һәм азык-төлек министрлыгы матбугат хезмәте.

Детальләрнең бәясе, чит илнеке белән чагыштырганда, 1,5-2,5 тапкыр арзанрак.

Чит ил техникасы өчен запас частьләр чыгару белән «Спецтехника-Әлмәт» ҖЧҖ, «Гидросервис», «Агропласт», «Агровет», «СтандартПродМашСервис» һ.б предприятиеләр шөгыльләнә.

Читтән кертелә торган товарларны алмаштырырлык продукция җитештерү эшләре сәнәгать предприятиеләренең технологлары, металлург һәм конструкторларын, техник сервис белгечләре һәм җитәкчеләрен, агрохолдинглар һәм агрофирмаларның баш инженерларын җәлеп итеп башкарыла.