М.Горький исемендәге Оренбург дәүләт өлкә драма театры Казан тамашачысы күңелен яуларга килә

4-9 апрель көннәрендә Г.Камал исемендәге Татар дәүләт академия театрында М.Горький исемендәге Оренбург дәүләт өлкә драма театры гастрольләре булачак.

Тамашачыларга Россиянең халык артисты, Россия Дәүләт бүләге лауреаты Рифкать Исрафилов сәхнәләштергән спектакльләр тәкъдим ителә. Алар арасында Ю. Поляковның “Гөмбә патшасы”, Л. Юхвид, М. Авах, В. Типот иҗат иткән “Куралыкта үткән туй”, В. Шукшинның “Мөләем кешеләр”, Р. Куни һәм М. Куни язган “Агай-эне” спектакльләре бар, диелә театрның матбугат хезмәте хәбәрендә.