Татарстанга Казакъстаннан башлы суган кайтарылды

Татарстанга Казакъстаннан башлы суган кайтарылды. 22 тонна продукция Яшел Үзәндә урнашкан “Тандер” ЯАҖ өчен кайтарылды, дип хәбәр ителә Россия ветеринария һәм фитосанитария күзәтчелеге буенча федераль хезмәтнең (Россельхознадзор)  ТР буенча идарәсе сайтында.

Тикшерү вакытында йөкнең Сарыагаш шәһәреннән кайтарылуы ачыкланган. Товар үрнәкләре Татарстан төбәкара ветеринария лабораториясенә карантин объектлары булу-булмауга тикшерүгә җибәрелгән.

Тикшеренүләр нәтиҗәләре буенча карантин фитосанитар контроле акты бирелгән.