Һава торышы питрәчлеләрне сөендерергә ашыкмый

Рәсми фаразлар буенча, яхшы һава торышы әле ике атнадан соң гына көтелә.

Бу һәм киләсе атна ахырына кадәр һава температурасы нормадан 5-6 градуска түбәнрәк булачак. Бүген һәм иртәгә яңгырлар, көчле җил көтелә, күк күкрәве ихтимал. Җил тизлеге секундка 15-18 метрга кадәр җитәргә мөмкин.

12 майда төнлә һава температурасы 2 градуска кадәр төшәчәк. Ә көндез һава 11 градуска кадәр җылыначак.

Әлегә май ае безне берни белән дә сөендерә алмаячак. Җылы һава торышы тоткарланып килә. 20 майдан соң гына температура тотрыклы күтәреләчәк, диләр синоптиклар. Ә әлегә җылырак киенергә һәм кул чатырларын онытмаска кирәк. Табигатьнең начар һава торышы юк!